@ 
由消防處社區應急先鋒名譽會長會（黃大仙區）、黃大仙區防火委員會及香港消防處合辦嘅「慶祝中華人民共和國成立七十六周年 黃大仙區防災應急嘉年華暨黃大仙消防局開放日」今日（11/10）喺黃大仙消防局圓滿舉行 ，吸引超過6,000人次參加，共同慶祝國慶76周年。
黃大仙民政專員Thomas、消防處分區指揮官(九龍中)王文恩、消防處助理救護總長(九龍中及東)黎博聞、消防處社區應急先鋒名譽會長會(黃大仙區)主席鄺因華、黃大仙區防火委員會主席沈慧林，聯同一眾社會賢達擔任主禮嘉賓，為一連串精彩活動揭開序幕 。
嘉年華活動非常豐富，包括認識國家安全嘅攤位、滅火救援示範、消防及救護車輛展示 、綜合表演、攤位遊戲，仲有小朋友最愛嘅充氣彈床，適合一家大細嚟參加 ！參觀嘅市民唔單止可更了解國家安全嘅重要性，同時亦可認識消防同救護嘅日常工作 ，學到更多關於用電安全以及防災應急嘅知識。
秋季風高物燥易生火患，今個月下旬就係重陽節啦，大家登高郊遊時記得唔好留下火種 ，小心山火。黃大仙區防火委員會及黃大仙民政處今年會統籌多項防火宣傳活動，包括重陽節防止山火宣傳活動、 防火主題互動劇場、火警演習活動，以及宣傳防火訊息嘅大廈探訪活動，務求透過不同途徑向市民推廣防火安全信息 ，藉此提高社區整體防火及防災應急能力 。
@ 