@ 
為咗加強地區協作，九龍城民政處近日組織2場參訪活動，連結區議員、分區會委員及關愛隊成員，共同探索區內多元社會服務，推動加強區內支援長者同兒童嘅網絡。
1.走進東華三院黃祖棠社會服務大樓 認識綜合社福設施
九龍城民政專員暨九龍城區議會主席蔣志豪聯同區議員、何文田分區委員會委員及關愛隊成員，早前（17/9）到訪服務九龍城近25年嘅東華三院黃祖棠社會服務大樓。團隊實地參觀長者地區中心、綜合家居照顧服務中心、長者日間護理中心、護理安老院及綜合職業復康中心暨宿舍等多個單位，並與前線職員深入交流 ，了解各項服務嘅運作與成效。
參觀過程中，團隊特別到訪由綜合職業復康中心營運嘅「華聚坊」便利店 ，認識殘疾人士親手設計及製作嘅精品與手沖飲品，見證佢哋發揮工作潛能 、實踐自主生活嘅感人成果 。此外，團隊亦參觀咗「薈齡AI生活館」嘅E大調長者樂團及微影薈拍攝義工隊，體驗科技與藝術如何豐富長者生活。蔣專員感謝東華三院長期紮根地區，並期待未來進一步加強合作，結合區議會、分區會及關愛隊力量，共建更美好嘅九龍城 ！
2.參觀賽馬會童亮館 見證遊戲中學習嘅成長力量
日前（29/9），蔣專員偕同一眾區議員參觀香港賽馬會慈善信託基金支持嘅「賽馬會童亮館（九龍城）」。館內設有積木區、感統遊戲區及嬉水桌等多元遊樂空間，讓小朋友喺遊戲中激發創意、訓練協調能力，並喺安全愉快嘅環境中快樂成長。小朋友投入遊戲時散發嘅燦爛笑容，深刻體現「遊戲中學習」嘅教育理念。
兩次參訪不僅強化地區持份者對社福資源嘅認識 ，亦展現九龍城民政處與社區夥伴攜手推動長者照顧、殘疾人士就業與兒童發展嘅決心。未來，民政處將繼續連結地區網絡，推動更多以人為本嘅服務，讓九龍城成為一個關懷共融嘅社區。
