@ 
為熱烈迎接第15屆全國運動會，由愛心全達慈善基金主辦、九龍城民政處支持嘅「龍城迎全運2025保齡球友誼賽」上周六（11/10）喺啟德體育園零售館隆重舉行。
活動邀請到民政總署署長杜潔麗以及九龍城民政專員蔣志豪親臨主禮，並與立法會議員楊永傑及地區領袖共同見證參賽者以精湛球技展現體育精神。
是次友誼賽特別選定保齡球為比賽項目，正因保齡球係本屆全運會香港賽區嘅首項群眾賽事。署長致辭時指出，全運會係國家最高水平嘅綜合運動會，香港首次與粵澳共同承辦，其中擊劍、手球同埋七人欖球賽事將會喺啟德體育園舉行，彰顯九龍城區喺香港體育發展中嘅重要地位。
賽事現場氣氛熱烈，參賽者全神貫注、奮力拼搏，充分體現堅毅與團隊合作精神。典禮上，署長同專員共同頒發獎盃畀勝出隊伍，並表彰表現出色嘅參賽者。
隨著全運會開幕進入倒數階段，九龍城民政處將繼續與地區團體攜手，推動「全運惠民，健康中國」理念，鼓勵市民踴躍參與呢場國家級體育盛事，共同見證運動員創下佳績！
@ 