@ 
喺10月15日 ，荃灣警民關係組 聯同商業罪案調查科 同新界南總區防止罪案辦公室人員 ，一齊去到位於荃灣麗城嘅「東華三院王李名珍荃灣長者鄰舍中心」 ，為一眾老友記 舉辦咗一個內容豐富嘅防罪防騙講座 ！
透過今次講座，除咗將最新嘅騙案手法及防罪知識詳細介紹俾各位老友記 ，仲特別向老友記展示咗假銀紙 ，認真教大家點樣分辨真偽 ！另外，亦耐心協助區內老友記下載「香港警察流動應用程式」 ，等大家加強防騙能力之餘 ，仲可以享用一站式電子服務平台 ，更方便又安心！ 等老友記 可以預防受騙之餘，亦將呢啲實用防騙訊息傳遞俾身邊嘅人 ，齊齊提高警覺！
希望繼續為區內老友記 舉辦多啲防騙防罪講座，透過積極宣傳同教育 ，提升大家嘅防罪意識 ，等每個人都唔會成為下一個受害者！