@ 
今年係中國人民抗日戰爭暨世界反法西斯戰爭勝利80周年 ，荃灣民政處、荃灣區青年發展及公民教育委員會、荃灣區議會同荃灣青年會18/10合辦咗「抗戰勝利80周年荃灣青年一天考察團」，帶領荃灣區30多位中學師生 走進沙頭角，展開一場充滿歷史意義嘅深度探索之旅 。
活動由荃灣民政助理專員張澤豪、荃灣區青年發展及公民教育委員會主席呂志宏、活動工作小組召集人謝少莉、多位委員以及荃灣青年會義工帶領，透過參觀、導賞同交流，重溫香港抗戰歷史中珍貴嘅一頁。
行程走訪多個重要抗戰遺址 ：
香港沙頭角抗戰紀念館（羅家大屋）
烏蛟騰烈士紀念園
南鹿抗日民主鄉政府舊址
南涌羅屋村（廣東人民抗日游擊隊林冲武工隊首個落腳點）
烏蛟騰村（東江縱隊港九大隊駐地之一）
參加者透過親身觀賞歷史文物 、實地走訪抗戰遺址 ，以及完成互動任務，深入體會抗戰歷史嘅厚重同勝利得來不易。 不少同學表示，今次考察令佢哋跳出課本框架，親眼見證當年先烈保家衛國嘅精神，對歷史有更深刻嘅感動與敬意 。
呢次旅程唔單止係一次歷史學習，更係一堂啟發年輕人珍惜和平、傳承愛國精神嘅生命教育課。希望大家都能將呢份感動化為力量，為香港及社會嘅繁榮穩定繼續努力 ！
