@ 
為紀念抗戰勝利80周年，離島民政處籌備咗一系列嘅活動，以提高離島居民同青年對抗戰歷史嘅認識。
喺8月29日，舉辦咗抗戰及海防博物館參觀活動 。超過100位參加者喺專業導賞員帶領下深入了解香港由淪陷到人民攜手抗敵、最終迎來勝利與和平嘅艱辛歷程，令參加者深刻體會到今日中國嘅輝煌成就來之不易 。
喺9月12日，舉行咗「尋訪離島抗戰足跡」 ，由地區領袖帶領離島區青年走訪多個同抗戰歷史相關嘅重要地點，親身感受當年先輩們嘅堅毅與無畏精神，提升民族自豪感 。
而喺18/10，由離島民政處、離島區青年發展網絡、離島區青年發展及公民教育委員會、招商港口控股有限公司及新界青年聯會合辦嘅「藝承丹心·鑑古惜今」——離島區抗戰勝利80周年美術展 將會一連9日開放畀公眾參觀。
美術展集合區內14間中小學、共170名學生以抗戰歷史與戰爭反思為主題嘅藝術作品。美術展同時會展出由地區人士同青少年一同製作嘅互動藝術裝置 同埋記錄短片 ，期望以沉浸式嘅展覽體驗，帶領公眾重溫歷史，並從中得到啟發，以史為鑑，珍視和平。
詳情如下：
開放時間：10月18 — 10月25日 （上午11時至下午9時） ｜ 10月26日 （上午11時至下午5時）
地點：東涌社區會堂
所有參觀美術展嘅人士將會獲得一套精心設計嘅紀念品，當中包括以是次展覽作品為主題嘅明信片、文件夾同即影即有相。參觀者亦可以喺展覽出口處嘅自動裝置取得參觀證書。
期待喺展覽見到大家，一同回顧歷史、珍惜和平、傳承抗戰同愛國精神！
@ 