@ 
近日，大埔民政處、食物環境衞生署、環境保護署，聯同大埔青年網絡義工、大埔區議會同分區會委員，喺林村河及元洲仔一帶，以收集河面垃圾及派發宣傳品方式，提醒大家注意海岸同社區清潔 ！
大埔民政專員Eunice連同世界自然基金會（WWF）行政總裁黃碧欣率領20多位大青、WWF 以及香港青年獎勵計劃（AYP）嘅義工由元洲仔出發 ，沿林村河划獨木舟收集河面垃圾 。AYP總幹事張齊欣亦都到場為參加者加油打氣。
食環署大埔區環境衞生總監嚴國政、大埔區議員及增選委員、大埔南分區委員會委員亦同步喺岸上派發宣傳單張及紀念品。獨木舟隊伍其後會合岸上隊伍，又有清潔龍阿德 同大嘥鬼 落力宣傳 ，攜手提高大家嘅環境衞生意識！
最後獨木舟隊伍運載收集到嘅垃圾 返回元洲仔，並聯同「綠在廣福」及「綠在大元」分類回收垃圾 ，為保護海岸環境出多一分力，守護大埔好山好水！
