@ 
國慶係全民共賀嘅大日子！青年作為國家同香港未來嘅主人翁，當然要打頭陣帶隊慶祝。今日嘅青年盛事除咗「青年發展高峰論壇」外，南區嘅青年亦緊接奧運熱烈嘅氣氛，用活力及汗水為南區賀國慶活動再添色彩 。
南區民政處、香港南區各界聯會同埋南青鋒今日8月10日舉辦咗「慶回歸賀國慶南區青少年3x3籃球錦標賽」。參賽隊伍有超過60隊，近200名參加者，分6個組別爭奪錦標，非常踴躍！錦標賽仲特別設有「75秒神射手」環節，慶祝祖國成立75周年，挑戰者要喺75秒内無間斷投籃，爭取最高分數。最後奪冠同學總共入咗13球，實力超群！
無懼炎熱天氣，南區民政專員兼南區區議會主席鄭港涌、中聯辦港島工作部宣教處副處長黃鵬舉、港區全國人大代表朱立威、立法會議員陳學鋒同埋其他主禮嘉賓到場為參賽者熱切打氣，以及為勝出隊伍頒發獎項，一齊分享得獎隊伍嘅喜悅！知道大家意猶未盡，鄭專員親自落場表演三分波....咦！點解佢好似企得好近籃板嘅....？
希望今日眾多參賽隊員除咗使出渾身解數贏獎杯之外，亦可以從中學習到體育精神，未來以堅毅、積極、樂觀嘅心態面對逆境同困難，回饋社會！
@ 
@