@ 
黃大仙青年發展網絡(YDN)與中區獅子會合辦嘅「關愛小先鋒2025」早前圓滿舉行 ！
黃大仙民政專員Thomas、國際獅子會中國港澳三〇三區總監梁鳳華以及一眾獅子會嘅嘉賓及義工嚟到鳳德社區中心 ，鼓勵各位青年先鋒同老友記了解AI科技嘅發展同應用 。
YDN青年先鋒透過參與今次嘅香港人工智能科技行業講座，加深咗對AI應用以及相關行業發展趨勢了解 。另一方面，大會安排咗護眼講座、AI智能視網膜健康評估 ，以及心血管風險評估畀一眾老友記。YDN青年先鋒即時從旁協助老友記，畀佢哋感受科技帶來嘅用處 ！
黃大仙民政處及YDN會繼續舉辦多元化嘅活動 ，為青年人提供不同發展及學習機會，同時照顧本區老友記嘅需要 ！
@