@ 
觀塘係一個充滿活力 嘅社區，每個星期都有多元化 同多姿多彩 嘅活動舉行。喺啱啱過去嘅周末，地區就舉行咗3項非常有特色嘅活動：
1、觀塘區社區種植日暨傷健嘉年華2025
活動由康樂及文化事務署及觀塘民政處合辦，於上星期六（18/10）喺佐敦谷公園舉行。觀塘民政專員何立基、觀塘區康樂事務經理吳見青、各觀塘區議員及地區賢達都有出席支持 。
活動期間，觀塘區中小學及幼稚園學生，聯同地區社福機構組成近100人隊伍參與植樹。觀塘區青年網絡一班樂觀派嘅青年義工亦有一齊參與。大家透過栽種樹苗 ，齊心協力為綠化觀塘出一分力 。
2、齊齊認識觀塘區學校展覽暨聯校匯演
活動於上星期六及星期日（18/10 - 19/10）ー連2天由觀塘區學校聯會及觀塘民政處於裕民坊自由空間舉行，提供一個深入了解區內學校發展嘅寶貴平台 ，為家長同學生展示各校嘅教學特色與最新發展動向外，更能協助學生規劃適合自己嘅升學路向 。除咗聯校展覽外，大會亦安排咗多間學校嘅學生匯演，展現佢哋不同嘅才華。今次展覽暨聯校匯演亦展現出觀塘教育界同心協力、共育英才嘅熱誠 。
觀塘民政專員何立基連同觀塘區學校聯會執委會成員亦有到場支持。喺開幕典禮上，專員致辭感謝觀塘區學校聯會喺區內作出嘅貢獻，亦感激校聯會一直對觀塘民政處青年工作嘅支持，期待繼續同佢哋緊密合作 。
3、觀塘民聯會「社會福利事務發展委員會就職典禮暨籌款義工嘉許禮」
觀塘民聯會創會至51年，一直係地區工作嘅參與者同支持者🫱🏻🫲🏻。當中，民聯會下嘅社會福利事務發展委員會一直關注區內嘅社福事務。尋日（19/10），民聯會舉行咗「就職典禮暨籌款義工嘉許禮」。主禮嘉賓包括中聯辦九龍工作部處長段建華、署理觀塘民政專員陳慧珍及觀塘區福利專員梁保華等。
主禮嘉賓除咗頒發委任狀 畀委員會各成員，希望佢哋繼續為觀塘區嘅居民群策群力謀福祉 ，亦為一眾參與籌款活動嘅義工朋友頒發證書及感謝狀 ，以表揚佢哋為社會服務貢獻嘅無私精神 。
@