@ 
旅程話咁快就嚟到第五日，8月9日WCH JPC一大早就去到宇通工業研學基地參觀有關宇通客車嘅歷史同埋發展。原來宇通客車喺全球嘅產銷量方面已經佔據咗第一嘅位置，真係超犀利呀！之後仲試坐咗最新款嘅無人駕駛客車，國家喺科技發展方面，真係一日千里，鶴立雞群！
《只有河南·戲劇幻城》，係中國第一座有二十一個劇場嘅全景式沉浸戲劇主題公園，亦都係中國最大嘅戲劇聚落群。呢座幻城坐立喺鄭州市，係一座單邊長328米、高15米嘅幻城。而當中嘅二十一個劇場，通過講述關於“土地、糧食、傳承”嘅故事，令更多人感受戲劇文化同埋河南嘅魅力！
當中印象最深刻嘅就係三大劇場之一 - 幻城劇場！劇場主要以現今嘅科技視覺效果，帶大家穿梭遊歷河南省嘅輝煌歷史。喺劇場入面可以見到孔子、老子、武則天、宋徽宗、嘉慶、秦始皇、呂不韋等等，真係感動到嘩嘩嘩聲啊！真係唔去過呢個戲劇幻城唔可以話嚟過鄭州啊！而且佢首主題曲真係好好聽，建議大家都可以聽一聽《只有河南》。
今日行程匯報嚟到呢度先，大家可以期待吓聽日嘅洛陽之旅大總結啦！
