@ 
適逢風高物燥嘅季節，荃灣民政處、香港消防處、荃灣區議員、荃灣區防火委員會同埋關愛隊等，齊齊走入社區，從多角度為荃灣區嘅防火、防災、應急做好準備！
荃灣寮屋區「耆鄰」計劃
日前（11/10），荃灣區議員、荃灣區防火委員會委員、關愛隊成員 及多個政府部門代表一同前往荃灣川龍村，探望長者及有需要家庭 ，派發 防火 寶（滅火筒 、滅火氈、獨立火警偵測器），並協助住戶即場安裝獨立火警偵測器 ，提升消防安全意識。
消防處人員 亦為居民嘅住所進行消防安全檢查，排查屋內嘅消防安全隱患。同時由防火會委員 及關愛隊成員 協助講解 「防火三寶」嘅正確使用方法，分享遇上火警 時嘅應對措施及防火安全知識等。活動團隊之後仲會繼續走訪光板田村、馬塘、橫龍、昂塘等鄉郊寮屋區，持續推動社區消防安全教育，守護鄰里安全 。
「荃承一心 • 應急同行」 荃灣區防災應急準備日2025
19/10，署理荃灣民政專員張澤豪、消防處分區指揮官（新界南）陳富山、中聯辦新界工作部副處長張曉東、荃灣區社區應急先鋒名譽會長會主席朱德榮，仲有一眾荃灣區議員、防火會委員及關愛隊成員 等，出席「荃灣區防災應急準備日2025」活動典禮儀式 。現場設有防災應急用具展覽、互動體驗區 、消防及救援示範 ，加強各部門及單位之間嘅協作，提升應對突發事故嘅能力，守護市民生命財產安全。
今次活動以 「荃承一心 • 應急同行」為主題 ，活動內容非常豐富，包括消防車 同救護車輛 展示、防災知識展覽 、應急教育車互動遊戲 等等。荃灣關愛隊 同防火會委員 更於活動中協助推廣防火、防災、應急信息，與市民交流同互動，響應 「應急同行」；參加活動嘅大人同小朋友都深深感受到救急扶危嘅精神 ，明白到防患於未「燃」嘅重要性。
防災知識學多啲，應急準備做足啲！ 「荃」城攜手合作，團結一心，構建更安全、更宜居嘅社區！
