@ 
今年9月至10月，唔少沙田區嘅同學 參加咗一系列有趣又資訊豐富嘅消防安全活動 。
沙田民政處及香港消防處安排咗救世軍水泉澳幼稚園同港九街坊婦女會丁孫慧珠幼稚園嘅小朋友 ，分別喺26/9 同29/9 參觀馬鞍山消防局同沙田消防局 。小朋友唔單止學到防火安全小知識，仲可以親身接觸消防員 ，了解佢哋嘅工作日常、消防車輛 同裝備 ，仲學識咗「逃生三寶」（即係火警發生時，應隨身攜帶嘅手提電話、門匙、濕毛巾）。小朋友都玩得好開心 ，仲話大個咗要做消防員呢 ！
另外，沙田民政處、香港消防處及沙田區防火委員會仲合辦咗多場校園消防安全講座 ，邀請現職消防員 到仁濟醫院董之英紀念中學（12/9）、聖母無玷聖心學校（17/9）同佛教黃允畋中學（16/10），向同學們教授「應急三識」（即係「識滅火」、「識自救」及「識逃生」）、「逃生三寶」同埋緊急事故嘅求生技巧 。同學們都好認真，表示學到嘅知識真係好實用，以後遇到緊急情況都唔會驚啦 ！
