@ 
文化體育及旅遊局在社文平台上表發文：
好感謝中央政府對香港嘅支持，自從青島市同埋西安市成為「個人遊」城市之後，來自兩市嘅訪港旅客表現都有非常好嘅增長，香港同兩市之間嘅旅客雙向奔赴亦都越嚟越頻密。
旅遊事務專員張馮泳萍（Angelina ）喺過去一星期分別飛咗去兩個新增個人遊城市推動雙向奔赴旅遊發展。Angelina 首先飛咗去青島參加「第66次亞太經合組織旅遊工作組會議」，藉住參加會議嘅機會考察青島市旅遊資源仲同咗國家文旅部、山東省文旅廳、青島市政府，同埋澳門旅遊局會面交流一齊討論點樣將旅遊業做大做強。
參加完會議之後，Angelina就隨即去咗西安市參加由旅遊事務處資助香港旅遊業議會喺西安市舉辦嘅業界交流推介會 與陝西省文旅廳同埋西安市文旅局代表交流，亦見證左香港旅議會同陝西省旅遊協會簽訂合作備忘錄 深化兩地嘅交流合作 為業界拓展市場商機。
我哋會繼續用好中央政府嘅惠港措施，同業界攜手合作繼續將香港獨特嘅旅遊資源推廣比廣大嘅內地客群。
