@ 
深水埗民政處青年網絡「深青躍動」嘅20位同學仔喺27/9 – 4/10到訪意大利，展開為期八日嘅設計、文化與藝術考察之旅，學習藝術設計同了解相關歷史文化，並與當地設計師、師生及大使館人員交流。
交流團喺日前（18/10）舉辦分享會，分成四組進行報告，更有小組自製短片，透過影像將喺意大利嘅難忘點滴帶到現場，一齊聽吓佢哋嘅報告重點啦：
1. 意大利設計脈絡與藝術教育
團員話最深刻係到訪當地設計院校，與意大利學生直接交流，互相分享學習心得，並參與工作坊，共同創作藝術品；適逢中秋，團員仲同當地學生一同製作燈籠，增進文化互動與友誼。
2. 城市漫遊與歷史建築
從米蘭「垂直森林」與聖母感恩大教堂，到羅馬嘅古城遺跡與梵蒂岡，團員以寫生與影像紀錄建築細節與城市肌理，並反思保育、都市設計與可持續發展嘅可能性。
3. 文化外交與國際化
拜訪中國駐意大利大使館係交流團嘅重點活動之一。團員分享與大使館人員嘅對話，包括寫生作品分享及就世界經濟嘅討論等，喺文化推廣與跨國合作方面獲益良多。
4. 在地生活與文化特色
透過市集觀察及街頭寫生，團員以多媒體、多角度呈現意大利嘅日常美學與時尚生活，並探討如何將意式美學應用於本地手作文化。
一班同學仔之後會喺校園內分享所見所聞，部分同學仲會舉辦藝術展覽。希望各位同學將所學內化於心、外化於行，喺日常生活實踐中加以運用。
分享會出席嘉賓包括深水埗民政專員王浩宇、助理專員陳樂桐、深青躍動顧問甄韋喬博士、黃頌良校長、梁麗琴，以及多位參與學校嘅校長同老師。
