@ 
5隊嚟自深水埗區非牟利機構嘅青年樂隊化身滅罪之「Sing」，喺10月18日唱出唔同年代風格嘅歌曲，宣揚禁毒意識！當中2隊更係由禁毒基金唱作Band隊培訓學員組成，藉今次機會喺舞台表演展示學習成果，為大家注入滿滿嘅正能量!
同場有深水埗警民關係組為大家分享毒品「依托咪酯」嘅禍害，深入淺出講解毒品對青少年身心健康同社會嘅負面影響，以提升大家抗毒同防罪意識。活動仲有拇指琴繪畫工作坊，大人小朋友齊齊發揮創意，繪畫獨一無二嘅拇指琴，將滅罪禁毒之聲傳遍社區每個角落！
活動由深水埗民政處、深水埗區撲滅罪行委員會合辦，深水埗警區協辦。主禮嘉賓包括深水埗民政專員王浩宇、深水埗區撲滅罪行委員會副主席羅正杰、深水埗區副指揮官劉志君署理高級警司、康文署深水埗區康樂事務經理何寶珠、深水埗區社區滅罪宣傳工作小組主席黃添福及副主席郭彥麗。
@ 