2025青少年粵曲比賽@龍城賀國慶

為弘揚中國傳統藝術文化及培育青少年對粵曲嘅興趣，由九龍城區各界慶典委員會主辦，民政總署資助嘅「2025青少年粵曲比賽」決賽及頒獎典禮已經喺上周日（19/10）圓滿舉辦！

由8月初賽到10月決賽，經過一輪龍爭虎鬥，少年組同埋青年組冠亞季軍及最佳人氣獎終於順利誕生！九龍城民政專員蔣志豪、中聯辦九龍工作部副部長郭長勇及其他主禮嘉賓齊齊到場支持，一班粵劇新星喺台上嘅一招一式都盡顯功架，充分展現新生代對粵劇嘅熱愛，一眾龍城街坊都報以熱烈嘅掌聲！