@ 
1.今日(25/10)，梁顯利油麻地社區中心首次舉行乒乓球賽，香港同珠海嘅青少年以球會友。
今日開球禮嘉賓包括教育局局長蔡若蓮、主辦機構香港珠海社團聯會會長鄺美雲、油尖旺民政專員余健強同港隊總教練李靜。
梁顯利油麻地社區中心嘅禮堂最近開始可以打波，油尖旺民政處除咗將佢變成匹克球場，仲添置乒乓波枱供大家選擇。
今日賽場仲以迎全運及「12·7」立法會選舉投票為主題布置。
2.余專員除咗致辭時呼籲大家喺選舉投票，之後仲去咗大角咀街站，同區議員鍾澤暉、櫻桃關愛隊隊長朱俊豪及隊員一齊宣傳投票。
油尖旺民政處呢幾日亦喺唔同嘅活動宣傳立法會選舉，對象包括區內老齡教育工作者、油尖旺青發會成員及參加消防工程導賞團嘅業主。
之後油尖旺「三會」都會宣傳選舉投票日，對象仲會包括少數族裔。
