@ 
黃大仙鳳德邨出現咗本港首宗基孔肯雅熱本地個案。鳳德邨係租者置其屋屋邨，房屋署會全力配合政府嘅跟進工作，包括喺個案位置範圍附近嘅房委會物業加強防蚊滅蚊工作，同埋向市民宣傳防蚊資訊同注意事項。
房屋署已提醒鳳德邨嘅業主立案法團配合相關部門嘅滅蚊行動，加強屋邨日常清潔同防治蟲鼠工作，加快清理積水同垃圾。房屋署亦會與業主立案法團緊密聯繫，喺有需要時提供合適協助。
為咗有效預防蚊子傳染疾病，房屋署嘅屋邨辦事處已經同其他政府部⾨同持份者加強防蚊滅蚊嘅聯合⾏動，包括喺公共地⽅、花槽等加強巡查，如發現蚊⼦滋⽣地，會即時採取⾏動，包括進⾏霧化處理以殺滅成蚊、清除積⽔及儲⽔容器、施⽤殺幼蟲劑（例如蚊沙）同埋增設蚊⼦陷阱等。
自本港出現基孔肯雅熱個案以來，房屋署已經持續透過海報同單張加強公眾教育同宣傳，提醒市⺠採取措施防治蚊患，又邀請相關部舉辦講座，向居⺠講解基孔肯雅熱嘅最新情況同防蚊資訊。
房屋署會繼續同大家攜手合作杜絕蚊患，保持環境清潔衞生。
@ 
@