@ 
由元朗區文藝協進會主辦，元朗民政處協辦，民政總署社區參與計劃以及香港賽馬會贊助，一系列以抗日戰爭勝利80周年為主題嘅活動已正式展開！
活動以「紀念抗日戰爭勝利」歷史文化講座作為啟動 ，喺17/9於元朗朗屏邨惠州學校 成功舉行，當日有超過200名中小學生 參加，元朗民政專員胡天祐、香港賽馬會對外事務副總經理鄧建明都有到場支持 。講座 邀請咗樹仁大學田家炳孝道文化教研中心主任區志堅博士 ，深入分析抗日戰爭嘅歷史 及香港喺其中嘅角色，畀參加者對新中國成立後嘅發展與成就有更深嘅認識 ，同時增加對國情嘅理解 。當日大會仲邀請到兩位特別嘉賓 ，分別係劉蘇老戰士同埋東江縱隊港九獨立大隊老遊擊戰士聯誼會副會長兼秘書長林鳴同大家分享抗日時期嘅逸事！
接住喺10月，大會舉辦咗「我愛我的祖國」電影分享會 ，邀請咗中小學生同社區人士參加。電影 放映前，大會又特別請咗香港樹仁大學田家炳孝道文化教研中心主任 林浩琛先生同大家分享 ，點樣透過電影影像嘅描繪 ，更深入了解抗日時期嘅歷史 ，並藉此鼓勵同學 珍惜當前嘅和平生活。
除此以外，「重走抗戰路‧尋找歷史的足跡」 考察團及「銘記歷史‧珍愛和平‧展望未來」繪畫比賽 亦會陸續舉行，大家可以多多留意 ，讓我哋共同銘記歷史，珍愛和平，展望美好未來！
@ 
@