@ 
屯門係香港最早發展嘅新市鎮之一 ，區內有現代化嘅地標 ，亦有鄉郊文化特色 ，係超過五十萬香港市民嘅屋企。
為咗深入認識屯門，一班屯門區「成功有約」嘅青年學員，近日就參加咗由屯門民政處同屯門區青年發展及公民教育委員會舉辦嘅「城市定向＠屯門」活動，一齊放低電話，發揮團隊合作精神，用智慧同觀察力探索屯門歷史，深入認識自己成長、讀書同生活嘅社區。
年輕學員從活動中學習分析同融合唔同意見 ，透過溝通訂立探索路綫 ，要以最快速度 搵到指定地點 ，先至可以取得最佳成績 ，團隊之間嘅相互切磋 ，充滿挑戰又可藉此互相學習！
擔任學員成長導師嘅屯門區兩個青年委員會委員亦有參與其中，陪同學員一齊接受挑戰，捐窿捐罅去完成任務 ，大家都話今日活動畀機會佢哋認識屯門嘅歷史及發展 ，增加咗自己對社區嘅歸屬感。
