@ 
「#ddHK 設計#香港地」今年將喺荃灣載譽歸來 ！
旅遊事務署8月9日嚟到荃灣，與荃灣區議會、荃灣東分區委員會、荃灣南分區委員會、荃灣鄉事委員會、馬灣鄉事委員會及荃灣青年社區建設委員會代表簡介 將於今年內喺荃灣再次舉辦嘅 「#ddHK 設計#香港地」創意旅遊活動。
去年8-9月喺荃灣嘅「#ddHK 設計#香港地」活動反應非常熱烈，深受區內外居民及遊客歡迎，一眾本地及國際創作單位，以創意同藝術點綴社區 ，為公眾帶來非凡旅遊體驗 。荃灣民政處及地區人士皆樂見今年活動繼續選址荃灣舉行 。
荃灣區一直有唔少吸引遊客及本地居民嘅好去處 ，包括有鄉村建築、傳統古蹟 、美麗沙灘 、文創區 、美食地帶 及郊遊勝地等。多位地區人士 喺簡介會上為項目提出好多真知灼見，協助今年「#ddHK 設計#香港地」創意旅遊活動為參加者提供更多元化同嶄新嘅旅遊體驗，發掘荃灣區獨特嘅一面 。旅遊事務署將於稍後公布活動詳情。
@