@ 
由香港灣仔區各界協會主辦，灣仔警區、香港交通安全隊、香港海事青年團、香港升旗隊總會、香港民眾安全服務隊少年團、香港女童軍總會協辦嘅「慶祝中華人民共和國成立76周年暨灣仔區青少年步操國慶盃」活動喺18/10於修頓遊樂場隆重舉行，透過步操匯演共同慶祝國慶76周年！
主禮嘉賓包括民政總署署長杜潔麗、中聯辦港島工作部副部長尤斌及香港灣仔區各界協會主席佘靜怡等。今次步操匯演有多個制服團體以及10支來自區內中學、小學以及幼稚園嘅青少年制服團隊參與。各步操隊伍英姿颯颯，年輕隊員們氣宇軒昂、精神抖擻，每一個轉身同踏步，步伐整齊一致，處處展現出威武嘅氣勢與民族自豪感，體現咗佢哋深厚嘅愛國情懷同對國家嘅歸屬感。現場仲有灣仔關愛隊及地區團體嘅攤位遊戲，讓市民一家大細可以參與其中，一同分享國慶嘅喜悦，增添幸福感。整個活動嘅氣氛既熱鬧又歡樂！
@ 
@