@ 
每逢週末或假期，好多市民都鍾意到戶外同陽光 玩遊戲。荃灣曹公潭一帶係區內郊遊熱點 ，吸引唔少市民遊覽。夏日炎炎 ，大家喺郊遊路上見到冰涼清澈嘅山澗水，或者會想喺潭中玩樂消暑，但正所謂「欺山莫欺水」 ，遊山玩水之餘亦要注意安全！
上週末，荃灣民政助理專員關俊傑聯同警務處、消防處及食環署喺曹公潭一帶採取跨部門聯合行動，向郊遊人士派發宣傳單張，提醒大家喺郊遊時注意安全，千祈唔好喺潭中嬉水，仲要保持環境衞生，做個負責任嘅遊人，咁所有市民 都可以安全愉快暢遊山野，享受大自然嘅山光水色 。
放假郊遊時記得要注意安全同保持環境清潔啊 ！
@