@ 
尋日(29/10)，元朗區防火委員會聯同元朗民政處、消防處 、元朗六鄉鄉事委員會、社區應急先鋒、民安隊、聖約翰救傷隊及一眾義工 ，到區內鄉郊地方宣傳 ，提醒大家保護林木 ，掃墓時要小心謹慎，防止山火發生。
除咗宣傳，預防工作都唔少得 ，元朗區防火會早前已經喺區內懸掛宣傳橫額 同張貼海報 ，提醒市民注意火種 。民政處仲安排修剪 認可殯葬區附近小路嘅雜草 ，元朗地政處亦有協助 增加個別地點嘅剪草工作 ，消防處 就加派人手喺較高風險地點，配合無人機 加強巡邏，隨時候命 ，務求減低山火風險！
防止山火，大家都可以出一分力 ！記得燃點香燭冥鏹前，先將四周雜草清理乾淨 。同埋要使用化寶盆焚燒冥鏹，千祈唔好焚燒垃圾或野草 。離開時，務必確認所有火種完全熄滅。
一齊努力 ，愛護林木 ，防止山火，人人都做得到！
