@ 
大埔區年青人踴躍參與義工服務之餘亦熱愛運動！呢個星期，大埔青網就舉辦咗兩項精彩兼有意義嘅活動 ，令同學仔得到全面發展，非常充實 ！
青年義工長者探訪技巧工作坊
尋日（30/10），超過40位大埔青網海陸空義工團嘅青年義工，出席聯乘救世軍大埔長者綜合服務中心及大埔墟關愛隊嘅「青年義工長者探訪分享工作坊 」！
工作坊分享與老友記相處嘅小技巧同心得 ；由救世軍嘅社工分享喺長者中心舉辦老友記活動時要注意嘅事項 而大埔墟關愛隊隊長溫官球亦分享上門探訪長者嘅經驗 ，以實戰例子同個案分析啟發年青人。
工作坊仲有分組實習環節，新手義工們要試吓如何打開話匣子、留意長者唔同嘅需要等，為嚟緊嘅各項義工活動做好準備 。
大埔青網滑浪風帆及滑浪風翼體驗日
大埔青網舉辦嘅水上活動層出不窮！除咗之前嘅獨木舟同直立板，啱啱嘅星期日（26/10）就聯乘中國香港滑浪風帆會舉辦滑浪風帆及滑浪風翼體驗日！
呢個活動一推出，報名人數就超額4倍 ！中簽能夠出席活動嘅大埔青年都把握機會，喺教練專業指導下喺大美篤水上活動中心乘風破浪！大埔嘅青年人，就係有活力、敢挑戰 ！
