@ 
萬眾期待四年一度嘅第十五屆全國運動會（十五運會）同全國第十二屆殘疾人運動會暨第九屆特殊奧林匹克運動會（殘特奧會）終於嚟啦 ！呢個全國性嘅大型綜合運動會分別會喺2025年11月9日至21日及12月8日至15日喺廣東、香港同澳門舉行，係粵港澳首次共同 承辦嘅全運會同殘特奧會，同時亦係香港首次參與承辦呢項全國體育盛事，意義重大 。
為咗支持 同響應 十五運會同殘特奧會，屯門區議會社區參與及文化康樂工作小組聯同屯門體育會特別籌辦咗「邁向十五運會和殘特奧會：2025-26屯門體育節」，喺過去幾個月舉辦咗一連串嘅屯門區體育賽事 ，包括 三人籃球賽 （6月22日及29日）、 羽毛球比賽（10月18及19日）、 乒乓球比賽（11月1及2日）。
今次屯門體育節嘅各個比賽都成功吸引到 區内唔同年齡層嘅市民參與 ，各項體育活動唔單止有利推動社區體育發展 ，更透過運動為社區注入活力 同正能量 ，希望大家可以繼續keep住呢團火 ，以運動連結心靈，同「喜洋洋」及「樂融融」 一齊為健兒打氣！
