@ 
距離「2025年立法會換屆選舉」仲有34日，深水埗區內宣傳選舉工作正如火如荼進行！
今個周末（11月1日至2日），深水埗民政處聯同東分區委員會、撲滅罪行委員會、防火委員會一齊設置宣傳街站，向市民派發選舉嘅宣傳單張同紀念品，呼籲大家喺12月7日選舉日踴躍投票，履行公民責任！
另外，香港青年聯會亦喺今個周末開始，同深水埗區青年社區建設委員會、青年發展及公民教育委員會以及深青躍動嘅成員設置兩個青年街站，鼓勵年輕人積極參與投票。政務司副司長卓永興、民青局局長麥美娟、常秘林雪麗、副局長梁宏正，同埋民政總署署長杜潔麗都有嚟為大家打氣，亦派發宣傳品鼓勵市民積極投票！
臨近投票日，宣傳活動會持續開展！除咗青年街站會繼續之外，深水埗區中南分區委員會同埋西分區委員會亦會喺接住落嚟嘅兩個周末擺街站㗎！希望大家鼓勵身邊嘅家人、朋友同埋同事，喺12月7日一齊投票 ！
@ 
@