@ 
剛剛過去嘅周末（1-2/11），黃大仙民政處聯同地區「三會」、黃大仙區青年發展及公民教育委員會、黃大仙區青年社區建設委員會、黃大仙青年發展網絡、區議員及關愛隊，積極開展宣傳活動， 呼籲市民履行公民責任，踴躍投票 ！
我哋分別喺啟鑽商場、樂富站、黃大仙站及Mikiki等人流匯聚嘅地點設立街站 ，向市民派發宣傳資料及紀念品。
民政及青年事務局 Home and Youth Affairs Bureau局長麥美娟、常任秘書長林雪麗、副局長梁宏正、民政總署署長杜潔麗、副署長王婉蓉及易志宏、黃大仙民政專員Thomas亦到場呼籲街坊朋友運用手上寶貴嘅一票 ，選出愛國愛港 、具能力及承擔嘅賢能人士。黃大仙區嘅青年委員亦有積極參與，喺街站向市民講解選舉安排，展現出熱心參與公共事務嘅新世代風範 。
民政處會喺11月8日、9日及14日繼續聯同地區夥伴舉辦街站宣傳活動，歡迎市民屆時參與。我哋呼籲大家齊盡公民責任 ，共建更美好香港，於12月7號立法會選舉投票！
