【葵青警區@安樂窩計劃 × ADCC防騙宣傳車】

反詐騙協調中心(ADCC)嘅防騙宣傳車又嚟到葵青區喇！

今日葵青警區、新界南總區防止罪案辦公室聯同葵青區議員郭慧敏小姐，去到「新界南•安樂窩計劃」嘅重點屋邨～葵涌邨將防騙訊息，特別係最近經常發生嘅微信「百萬保險騙案」帶俾街坊。然後，葵青警區人員同ADCC防騙宣傳車再馬不停蹄跑去到葵涌廣場同市民宣傳。

活動中，葵青區耆樂警訊同埋少年警訊亦嚟到幫手向街坊介紹最新騙案手法，仲帶咗好多市民上防騙宣傳車玩添！