@ 
星期六(8/11)傍晚，西灣河利基大廈一個單位鹹水管爆裂，導致大廈總掣櫃受損，全幢停水停電，逾180戶居民受影響。
得悉事件後，東區民政專員黎旨軒連同西灣河同鯉景灣兩隊關愛隊，隨即趕到現場協助居民。佢哋沿後樓梯上樓，了解同跟進住戶嘅個別需要，並提供飲用水、電筒、乾糧等物資；亦與管理處合作逐戶派發通告，通知居民最新情況同提供聯絡方法，以便居民查詢同求助。
民政處同關愛隊亦協調相關單位提供支援，包括：
- 港燈安排技術人員到場與承辦商協調，亦提供充電設備同備用照明；
- 水務署提供水車，供應臨時食水；
- 康文署開放鄰近體育館更衣室供有需要居民使用；
- 鄰近食物店提供雪櫃供居民臨時擺放冷藏食物；
- 管理公司加派人手協助；鄰居彼此亦互相幫忙。
大廈嘅公用電力、升降機，以及食水鹹水供應於星期日（9/11）下午三時許陸續恢復。管理公司承辦商會繼續餘下嘅維修工程。
民政處同關愛隊會繼續適切支援有需要嘅住戶，直至全面復常。與此同時，亦感激各個單位迅速有效支援，發揮「人人都是關愛隊」，守望相助嘅精神，將居民嘅影響盡量減至最低。
@