@ 
北區防火委員會為咗令北區同學仔更認識消防員及救護員嘅日常工作 ，喺11月7日舉辦咗今年度第一場嘅消防及救護學院參觀活動，共約50名小學生參加，大家反應都非常踴躍！
當日參觀活動全程由消防哥哥帶領，分別介紹咗高空拯救 、坍塌搜救 、飛機事故 、水上事故 等訓練場景，亦睇咗實火燃燒私家車拯救示範 令同學仔更加感受到消防員日常真實工作嘅情況 同學仔亦難得有機會親身去到 模擬鐵路站「百勝角站」 ，仲影咗張大合照留念添！
之後同學仔一齊去到演講廳聽消防員為佢哋準備嘅「社區應急準備講座」 ，深入認識應急三識 「識滅火、識自救、識逃生」，同場亦有同學親自嘗試使用滅火筒 ，真係獲益良多。 最後，當然唔少得一齊參觀消防及救護教育中心暨博物館 ，了解番香港消防處超過150年嘅歷史，及認識消防 及救護 日常工作同裝備，其中仲有問答環節，同學們都好積極，仲答啱晒 !今次真係學到好多嘢呀！
