@ 
由粵港澳共同舉辦嘅第15屆全國運動會9/11正式開幕！而香港隊代表李思穎亦勇奪公路單車女子個人公路賽金牌！大埔民政專員Eunice同日率領大埔青網單車義工團，聯乘入境事務處義工隊及大埔船灣關愛隊，組成選舉投票宣傳單車隊，探訪船灣嘅長者，送暖之餘亦不忘宣傳立法會選舉！
Eunice 專員之後再到大埔墟火車站外街站，會合大埔「三會」成員派傳單，呼籲市民選舉當日踴躍投票 ！立法會選舉已進入倒數30日階段，大埔區繼續同各界一齊落力宣傳，將「投入選舉 共創未來」嘅信息傳遞到社區每一個角落！
大埔青網單車義工及入境處義工首先踩單車到大埔工業邨收集本地製造商提供嘅點心、乳酸飲品及醬油，連同香港道教文化協會捐出嘅福袋，然後再不停蹄到船灣，前往蝦地下、黃魚灘、陳屋及沙欄村上門探訪雙老獨老長者。義工即場派發精美嘅選舉紀念品和宣傳單張，提醒大家2025立法會換屆選舉將至，記得1207要去投票啦！
