@ 
第十五屆全國運動會喺9/11隆重開幕喇！一眾中西區地區人士同居民當日齊集喺西營盤社區綜合大樓嘅「第十五屆全國運動會 動感直播觀賞站」，一同觀看全運會開幕式直播，為呢項體育盛事揭開序幕！
今屆全運會首次由粵港澳三地聯合承辦，係全城矚目嘅體育盛事！西營盤社區綜合大樓社區會堂已變身成優閒舒適嘅打氣區，一家大細、三五知己都可以席地而坐觀賞賽事直播，小朋友又可隨便喺會堂地蓆上走動，大大提升地區人士同居民嘅觀賞體驗。直播十五運會開幕式時，觀賞站氣氛熱烈，特別係當大家見到香港特區代表團進場嘅時候，大人同小朋友都熱情高呼，為運動員歡呼打氣！
第十五屆全國運動會 動感直播觀賞站@中西區
日期：11月10日（星期一）至11月21日（星期五）
時間：上午9時至晚上10時
地點：西營盤高街2 號西營盤社區綜合大樓社區會堂
（如觀賞站嘅開放時間臨時有其他安排，恕不另行通知）
「動感直播觀賞站@中西區」由第十四屆中西區體育節統籌委員會、中西區民政處、中西區區議會及中西區康樂體育會聯合主辦，全力支持十五運️會，推廣「全民運動」，鼓勵唔同年齡嘅市民熱情參與，培養健康生活習慣。
@