@ 
國家安全展覽廳8月6日喺香港歷史博物館舉行開幕典禮。開幕短短幾日，南區區議會20位議員喺12/8已經喺南區民政專員兼南區區議會主席鄭港涌帶領下，全體總動員參觀展覽廳。作為第一個蒞臨參觀嘅地區，可謂意義重大。
國家安全展覽廳由香港特別行政區維護國家安全委員會主辦，中央人民政府駐香港特別行政區聯絡辦公室及中央人民政府駐香港特別行政區維護國家安全公署支持，為加強市民自覺維護國家安全嘅意識同承擔而設立。
透過今次參觀，全體議員深入認識國家安全如何體現喺生活嘅各方面，了解必須準確貫徹維護國家安全方針，並喺地區積極推廣全民國家安全教育 。一行人先喺「歷史長河」動感影院觀賞短片，除咗回顧中國近代史外，亦深化對「總體國家安全觀」20個安全領域嘅理解。隨後，大家喺亮點展品北京市人民政府送贈於2020年6月30日《香港國安法》頒布實施當日喺天安門廣場飄揚嘅國旗下影大合照，為祖國發展一日千里深感驕傲，亦堅定咗為國家作貢獻嘅決心。
展覽廳一共有6個區域，其中有唔少獨特、具權威性同獲官方核准嘅展品，包括國家航天局借展嘅「明月照我還」月球土壤、由國家博物館送贈、首次在內地以外展出嘅《開國大典》油畫複製品、首次在港展出1:9 高達六米嘅長征五號B運載火箭模型，展示咗國家喺各方面嘅成就之餘，亦畀議員深深感受到香港背靠祖國、聯通世界嘅優勢。展覽廳為我哋提供咗導賞安排，增進議員對實踐國家安全嘅掌握，有助地區弘揚愛國精神，加強市民維護國家安全嘅情懷。
參觀後，啟發議員對鼓勵市民積極參與國家安全建設、提高責任感同主人翁意識嘅好主意，並會將得著分享畀南區以至廣大市民，共同維護「國安港安，家安民安」嘅精神。
今次南區區議會率先參觀國家安全展覽廳只係一個開始。好快「三會」委員、關愛隊，以至其他地區團體都會陸續嚟到參觀，一齊將國安信息傳揚開去！
