@ 
為咗將運動熱潮捲入社區每個角落，第十四屆中西區體育節統籌委員會及中西區民政處特別邀請咗區內中學、小學同幼稚園，喺各校運動會加插全新環節 –「第十四屆中西區體育節冠名接力盃賽」！透過呢個熱血合作，我哋由校園起步，引爆全民運動熱潮，鼓勵學生、教職員同家長一齊動起來，活出健康同活力！
中西區學校嘅焦點接力賽事形形式式，包括：
- 4x100米「冠名接力盃賽」
- 親子競技接力賽
- 師生接力賽
從幼童、小學生到中學生，唔同年齡嘅參賽者喺賽場上都搏到盡，場邊嘅打氣聲更係不絕於耳，真正體現「友誼第一，比賽第二」嘅熱血體育精神！
同學們接過獎牌獎杯嘅一刻都笑容燦爛，充滿自信同滿足感，就知呢份熱血回憶一定畢生難忘！有學校師生接力賽更出現鬼馬造型，為緊張嘅賽事注入滿FUN！
「第十五屆全國運動會」各項賽事現正進行得如火如荼，中西區民政處同步喺西營盤社區綜合大樓社區會堂舉辦「第十五屆全國運動會 動感直播觀賞站」，齊齊觀賞賽事直播，全力支持十五運會，為運動員喝彩打氣，一齊見證佢哋用汗水同努力換嚟嘅驕人成果！
立即分享呢份運動激情，約定大家一齊為運動員打氣！
@