@ 
昨日 (12/11) ，港島總區「動物守護•社區大使計劃」嘅義工大使同三隻可愛義工犬——布厘、豆豆和Ichi，一齊去到黃竹坑新會商會陳白沙紀念中學，同大約100位初中生開展咗一場充滿愛心嘅護動講座！
講座入面，職員同同學講解點樣守護動物、點樣同動物相處，仲用真實新聞案例解釋相關法例，等大家加深守法護動嘅意識。同學個個專心聽講，仲踴躍舉手分享學到嘅知識！之後更加有零距離親親義工犬環節，同學可以抱抱、牽引同餵飼狗狗，親身感受動物嘅友愛，學習到溝通關懷嘅真諦，增強迎接未來嘅信心。
希望透過活動，同學校一齊培養同學對生命嘅尊重和責任感，緊守「善待動物，由愛出發」嘅信念。
@ 