@ 
1. 全運男籃(U22)喺座落油尖旺嘅紅館舉行，前晚（11/11），油尖旺民政專員余健強就同一班地區人士入場支持港隊，民政處仲把握機會呼籲大家「12.7」投票。
2. 迎接下月嘅殘特奧會，油尖旺同「香港特殊奧運會」今年升級合作，前日喺「梁顯利」有蓋操場合辦青年共融滾球比賽，油尖旺青年網絡學員同區內外特殊學校(包括包玉星學校)同學同隊競技。
余專員多謝出席嘉賓2024年殘奧奬牌得主何宛淇同陳浩源，佢哋都有一齊宣傳「12.7」投票。
3. 油尖旺青年網絡學員之前又參加全運火炬打氣團，呢個月就會喺三項體育盛事做義工，包括單車節同「M」品牌盛事維港泳及世界保齡球錦標賽。
4. 今年油尖旺青年網絡計劃開始咗兩個月，已完成包括欖球、長跑、坐式排球及滾球訓練。
5.除咗運動，油尖旺青年網絡學員積極參與多次街站宣傳投票，嚟緊佢哋仲會學習管理社交媒體同剪片，為油尖旺青年Instagram 專頁幫手。
@