@ 
離島民政處、離島區青年發展網絡及招商幸福邨合辦嘅5日4夜「我在民族復興之路 — 離島青年發展網絡湖南交流團」完滿結束 。60名青年深入湖南省考察，了解祖國歷史發展之路，感受濃厚湖湘文化 ，並進行兩地文化交流 。
今次交流團 有豐富嘅參觀同交流活動 ，擴闊青年視野 。行程包括參觀招商局歷史博物館 ，了解央企創業歷史 ；夜遊坡子街及七十二奇樓 ，體驗地道夜市文化 ；參觀岳麓書院及湖南大學 ，感受千年學府嘅歷史古韻 ；探訪毛澤東主席故居 ，加深對毛主席奮鬥史嘅認識 ；當然唔少得遊覽天門山國家森林公園 及黃龍洞等世界著名自然景點，畀大家親眼見識祖國鬼斧神工嘅天然奇觀 。
最後，合辦單位邀請咗中國共產黨長沙歷史館副館長羅業永喺交流座談會上向團員深入介紹毛澤東主席革命歷程 ，展望青年學習堅毅不屈嘅精神 。大家回程時都表示加深咗對祖國嘅認識，獲益良多 。
離島區青年發展網絡嚟緊會繼續推出更多有意義嘅青年交流活動 ，密切留意！
