@ 
1.西九碼頭WestK Quay尋日（14/11）嘅啟用禮，油尖旺民政專員Edward都有去，仲好開心見到附近開咗幾檔美食。
油尖旺民政處早前幫手，更新咗通往西九天橋柱上嘅指路貼紙，其他部門就更新路牌等，方便市民同遊客搵路 。
2.油尖旺區議會一直支持西九發展，前日區議會交運會就討論西九新接駁路工程，由身兼增選委員嘅西九管理局代表介紹。
下周二嘅地設會，區議員會提議改善往西九嘅指路牌。
3.民政處嚟緊仲會同西九有個工程，美化佐敦通往柯士甸站嘅行人隧道。
4.經諮詢油尖旺區青年社區建設委員會，油尖旺民政處稍後將動工嘅其他美化工程仲有：
一項香港-意大利時裝交流計劃，由城市大學Dorian Ho 團隊負責，其中一個項目喺尖東對出嘅「奧運星光大道」繪畫；
同勞福局合作，由Simon Ma 帶領其他藝術家同共創明Teen學員美化北京道行人隧道；
同康文署合作，以博物館為主題，在區內多個地方設計壁畫；
由藝術家Elaine Chiu及May Yeung分別喺塘尾道、登打士街及窩打老道行人天橋進行美化。
@ 