@ 
近日，北區民政處青年發展網絡舉辦咗一場生涯規劃活動，帶領22位「北極虹」成員前往赤鱲角嘅政府飛行服務隊總部參觀。
活動由北區民政助理專員陸薇君帶隊，並由飛行服務隊詳細講解及帶領參觀 。過程中，同學們深入認識咗政府飛行服務隊嘅歷史、運作模式、裝備配置及其重要使命 。其中，隊員分享到颱風「樺加沙」襲港期間，飛行服務隊派出定翼機穿越風眼 監測颱風嘅經歷，令參加者大開眼界，深感震撼 。
參加者當日更有機會近距離參觀飛行服務隊現役空中巴士H175直升機 ，不僅深入認識機上各項設備及搜救行動嘅運作流程 ，仲獲准進入直升機內部，親身了解救援裝備及駕駛艙結構 。喺互動分享環節中，同學們踴躍提問，表達對未來加入飛行服務隊嘅濃厚興趣。飛行服務隊隊員耐心解答，並介紹部門嘅組織架構、不同職系嘅工作內容及入職要求，鼓勵同學們根據自身興趣與能力思考規劃未來發展方向 其中更有兩位參加者表示，已經積極準備緊相關考試 ！
活動不僅讓虹仔虹女們更深入了解飛行服務隊嘅工作，激發佢哋對飛行及航空領域的興趣，更有助開拓視野，為未來生涯規劃奠定基礎。期待佢哋日後喺各領域中發揮所長，貢獻祖國、服務香港、回饋社會 ！
藉此機會，亦提醒大家呼籲屋企人及朋友喺12月7日支持《2025年立法會換屆選舉》，以自己手中嘅一票為香港創造更美好嘅未來！投入選舉，共創未來，12月7日，約定你，到時見！
