@ 
大埔青網義工服務不停步！仲一邊做義工服務，一邊宣傳1207齊投票！
鄉郊義診義工團@西貢北井頭村
大埔青網鄉郊義診義工喺尋日（19/11）出動！大埔民政專員陳巧敏、大埔鄉事委員會主席兼大埔青網副主席林奕權、西貢北約鄉事委員會主席李耀斌、救世軍大埔長者綜合服務中心高級主任孫海東及井頭村村代表鄧碧興率領十多位大青同救世軍義工到訪西貢北井頭村村公所，為老友記 進行鄉郊義診之餘，亦鼓勵大家喺立法會換屆選舉中投票！
各位公公婆婆排排坐，耐心等候，逐一由大青義工為佢哋度高 、磅重 、量血壓、度血糖同血氧含量 。大青義工之後同佢哋玩小遊戲 同做健身操 ，唔少得嘅係提醒佢哋入秋 後要注重保暖 。義工亦即場派發精美嘅選舉紀念品 同宣傳單張 ，提醒大家2025立法會換屆選舉將至，記得1207要去投票啦！
野外淨山義工團@牛牯嶺郊遊徑+蝴蝶山徑
上星期六（15/11）我哋20多位青網成員聯同仁愛堂義工隊 一齊 挑戰全程近8公里嘅跨區路線，由大埔林村出發經牛牯嶺郊遊徑 到粉嶺蝴蝶山徑，沿途清理山徑垃圾。大家無懼路程遙遠，落力清潔山徑 ，再將收集到嘅垃圾 分類，然後進行回收 ，為大埔好山好水嘅大自然繼續出一分力 ！民政同事仲即場呼籲參加者將1207立法會換屆選舉齊投票 嘅信息同佢哋合資格嘅屋企人分享。
@ 
@