@ 
觀塘民政處尋日（12/8）舉辦「港鐵員工影子體驗日」， 位嚟自觀塘區青年網絡樂觀派嘅同學仔有機會親身體驗港鐵員工嘅工作 。
樂觀派成員朝早7點就去到油塘站 ，同月台助理喺最繁忙嘅時間一齊執行人流管理職務 。同學仔好快上手。由一開始少少怕醜 ，到後來自信 咁嗌「請等候下一班車」，相信對同學仔嚟講係好難忘嘅工作體驗！
之後MTR代表簡介公司業務、向同學仔分享行業資訊 ，並帶成員參觀車站控制室 同九龍灣港鐵車廠。大家了解咗車廠日常運作，見識到日常港鐵列車嘅調度及停泊、列車維修保養 等。
觀塘民政專員何立基勉勵參加者，希望佢哋體會到城市便利嘅交通系統 背後其實有好多人出心出力，並鼓勵青年喺生涯規劃時 不忘貢獻社會。樂觀派青年喺活動後表示，今次影子體驗加深佢哋對港鐵嘅認識，仲可以參觀九龍灣車廠，大開眼界 ，獲益良多。
