@ 
昨日(25/11)，港島總區「動物守護•社區大使」計劃嘅人員同城市大學動物守護學長，一齊去到救恩學校(幼稚園部)探訪「寵愛閣」！
活動入面，寵愛閣嘅學生大使變身做小小講師，帶我哋認識動物朋友，示範點樣照顧蜥蜴、烏龜同金魚。而城大學長就幫小動物做健康檢查，講左好多小秘密俾大家知，有助小動物繼續健康成長。喺寵愛閣入面，大家可以學識照顧小動物，又可以同小動物玩得好開心，因為大家都相信：每一個小生命，都係世上最珍貴嘅寶貝！
「動物守護•社區大使計劃」會繼續支援每間「寵愛閣」學校嘅發展，將生命影響生命嘅力量傳承落去！
@ 