@ 
灣仔區道路安全運動委員會，8月13日至8月14日，舉辦左2日1夜深圳交流團，團員分別由灣仔區耆樂警訊、灣仔區少年警訊會員以及灣仔區學校嘅同學仔組成，透過長幼共融，發揮互助精神，同時大家可以一齊認識祖國交通建設同埋科技發展。
Day 1首站，去咗參觀比亞迪總部，比亞迪工作人員介紹左企業發展歷史、專利技術研發展嘅情況，現場亦展示咗最新車款、內部構件，比大家了解到國內新能源汽車嘅發展。
第2站，去左生產無人機嘅DJI大疆創新科技有限公司參觀，了解咗無人機科技嘅最新發展同埋相關技術喺唔同範疇以及日常生活中嘅應用。大家仲有機會嘗試下操控無人機！最後仲分組進行咗場機甲大師（RoboMaster）競技賽事，機甲大師係全球首個射擊對抗類嘅輪式機器人比賽，真係好緊張刺激呀。
Day 2，上晝嚟到深圳博物館參觀，呢度收藏咗深圳有史以嚟嘅各種文物，展品展示左古代深圳、近代深圳、深圳改革開放史同埋深圳民俗展覽，展館亦反映咗現代社會中嘅文化創新。
中午品嚐完客家菜，就到最後一個行程！體驗5D 時空穿越劇場。短短10分鐘，大家坐喺動感座椅上面，由古代穿梭到現今，再去到未來，令大家彷如身歷其境，真係好刺激！
2日1夜過得好快，但大家都非常開心，亦都好感謝灣仔區道路安全運動委員會嘅支持，為大家提供咗咁寶貴嘅學習機會，比大家更深入探索祖國嘅文化同成就！
