@ 
你以為飛鏢只係成年人嘅活動？
响14日，一班JPC同SPC會員喺荃灣少訊會所舉行咗一場飛鏢挑戰賽 ，並由警察飛鏢會嘅導師做裁判，等一班會員可以一較高下。
經過之前一連串嘅訓練，大家都搖身一變，成為專業嘅飛鏢玩家！憑佢哋嘅得分能力，就更加證明飛鏢活動真係大人細路都啱玩！
好開心邀請到荃灣警區指揮官鄧國雄 、荃灣區耆樂警訊名譽會長會主席蘇陳偉香同埋荃灣區少年警訊名譽會長會副主席嚴玉麟到場觀戰 ，幫一眾選手打打氣 ，之後仲頒獎畀各個勝出者 。
見到咁多位老友記同小朋友無分年齡界限，互相加油打氣 ，好窩心又好感動 ，要記住：友誼第一，比賽第二。
