@ 
油尖旺民政處昨日（15/12）再次統籌跨部門行動，今年第三次清理櫻桃街行人隧道雜物，回應區議員及社區意見。
區議員鍾澤暉在場觀察以便向居民報告，民政處政務職系冬季實習生Cynthia都有到場。
民政處今年仲統籌各種跨部門大型聯合行動：
1.清理雜物：喺以下地點清理咗約10000公斤嘅雜物 ：
窩打老道與染布房街交界行人天橋
橫跨佐敦道（近廣東道及渡船街）嘅行人隧道附近範圍（兩次）
渡船街與麗翔道交界行人天橋橋底 及 橫跨渡船街（近登打士街）嘅行人天橋橋底 （共兩次）
旺角豉油街行人隧道外附近
梳士巴利道漆咸道南隧道
德昌街行人天橋底
櫻桃街和渡船街交匯處橋底範圍
太子道西與荔枝角道交界過路處範圍
2.處理店舖阻街：
全年共舉行6次聯合行動，合共清理約1 050公斤嘅雜物同垃圾，同埋超過14噸無人認領嘅建築材料同建築廢物。
其中10月喺通州街（塘尾道至太子道西一段）嘅行動，清理超過400公斤嘅雜物同垃圾，同埋超過1噸建築材料。警方亦向違例泊車抄牌。
區議員蔡少峰及劉柏褀等幫手提醒附近商戶注意擺賣範圍。
3. 移除棄置車輛：
全年共舉行6次聯合行動，共清理超過40架棄置電單車。
