@ 
尋日（17/12）下午，喺九龍城區議會主席蔣志豪民政專員帶領下，一眾議員與路政署署長會面交流，並實地參觀中九龍繞道（油麻地段），深入了解路政署嘅工作進展與工程成果。
作為貫穿九龍東西嘅新主幹道，呢段隧道將為九龍城區居民帶來顯著便利：油麻地往返啟德嘅車程，預計由繁忙時間約30分鐘大幅縮短至約5分鐘！中九龍繞道（油麻地段）將有效分流跨區車流，紓緩區內主要道路（如漆咸道北、太子道東、馬頭涌道一帶）嘅交通壓力，切實提升居民嘅出行效率與生活質素。
中九龍繞道（油麻地段）全長4.7公里，最深處距地面約150米，施工極具挑戰。路政署工程團隊以高度專業與謹慎規劃，克服複雜地面及地底狀況、穿越七條港鐵線路、於緊鄰民居及伊利沙伯醫院等敏感區域施工嘅種種困難，過程中持續與社區溝通，致力將影響降至最低。九龍城區議會對工程團隊嘅付出與成果表示高度讚揚與肯定！
展望將來，九龍城區議會將繼續與路政署及各政府部門保持緊密協作，密切監察通車後嘅交通狀況，並積極推動各項地區改善工程，攜手建設更暢通、更宜居嘅九龍城社區。
@ 