@ 
深水埗「地區為本種族融和計劃」2025-26活動，日前（20/12）正式畫上完美句號！
回顧返呢一年，舉辦咗連串活動，包括漫遊主教山配水庫、3D打印工作坊、高爾夫球體驗日、文化烹飪班同面試技巧訓練班等，總共吸引超過1500位朋友參與，好評如潮！
作為總結，喺啱啱過去嘅周末，仲特別舉行咗一個「種族融和體驗日」。現場攤位多元多樣，畀少數族裔同本地學員展示自己嘅學習成果，促進互相交流。除咗有Henna面繪、地壺球、高爾夫球示範同印度特色美食等，仲有少數族裔嘅懲教署職員分享職涯規劃，內容超豐富！
今次活動吸引咗超過100位唔同族裔及背景嘅居民參加，大家透過遊戲、美食同交流，加深對彼此文化嘅了解，氣氛溫馨融洽，真正體現出深水埗多元共融社區嘅活力同魅力。
深水埗民政專員王浩宇以及深水埗區議員、新家園協會總監梁秉堅都親身到場支持，為活動加添更多正能量。
