@ 
人工智能（AI） 正以前所未有嘅速度極速發展，為讓屯門區青年深入了解國家喺人工智能技術嘅成就，屯門民政處、屯門區青年發展及公民教育委員會聯同「成功有約」同學會喺12月22至23日舉辦咗「人工智能在中國」—屯門區青年內地培訓及交流團，同一班歷屆屯門區「成功有約」同學會嘅年輕成員，同埋其他屯門區嘅青年，去到深圳進行培訓及交流活動。
交流團到訪深圳多間AI關鍵技術平台嘅獨角獸企業、AI機器人編程基地 、無人機系統應用測試基地 ，以及深圳最大科技館之一嘅「龍崗區科技館」等。團員喺交流學習期間積極發問，亦有機會學習AI機器人編程及操作，令佢哋對國家喺AI科技發展有更多認識，對國家嘅超卓成就深感自豪！
團員相信年輕人嚟緊會有更多機遇，佢哋亦會繼續裝備自己，迎接AI領域帶嚟嘅全新挑戰，以及應對未來環境新常態！
